Ինձ համար ամենամեծ ձեռքբերումը համարում եմ այն, որ երեխաներիս հետ մուտք գործեցինք «Մխիթար Սեբաստացի» կրթահամալիր և դարձանք այս մեծ ընտանիքի անդամները;
2013-ի ձեռքբերումներից է նաև 5-6-րդ դասարանցիների հետ մասնակցությունը «Թարգմանչական ստուգատեսին», որի արձագանքներն ավելի քան ոգևորող և տպավորիչ էին:
2013 –ի ուսումնական տարվա սկիզբն ինձ համար բեկումնային էր: Բացի այն, որ դասավանդում եմ օտար լեզու Գեղարվեստի կրտսեր դպրոցում, նաև նշանակվել եմ 5-րդ դասարանի կազմակերպիչ: Մի բան է դասավանդել, մեկ այլ բան ` ամբողջ օրը լինել երեխաների կողքին, օգնել նրանց դժվար պահերին, ուղղորդել և խորհուրդ տալ:
Մյուս նվաճումս այն է ,որ առաջին կիսամյակում ղեկավարել եմ միջին դպրոցում անգլերենի ընտրությամբ գործունեության դասընթացը,որի ժամանակ մեծ ոգևորությամբ դասավանդել եմ նեթբուքով և բլոգում բացված բաժնի համապատասխան նյութերով: Դասընթացներն հետաքրքիր էին և արդյունավետ,լի քննարկումներով,սովորողները թարգմանել են փոքր հոդվածներ ,աշխատել տարբեր նախագծերի վրա, արդյունքում իմ մեթոդական հոդվածի հիման վրա ստեղծվեց մի նյութ և կարաոկե:
Աշխատում եմ նախագծերով և որպես նախագծի վերջնական արդյունք ստեղծվել են բազմաթիվ նյութեր՝ «Բարձրունքի հաղթահարում» «Մենք բոլորս Սեբաստացիներ ենք», «Ես Սեբաստացի եմ»,«Ուսուցչի տոն», «Խնկոյանական օրեր կրտսեր դպրոցում»,«Անտառում միայնակ»,«Ամանորյա տոնածառը», «Անսովոր տոնածառ սովորական ցանկություններով»:
Գեղարվեստի դպրոցի ենթակայքում ունեմ հրապարակած բազմաթիվ նյութեր:
Ունեմ հոդված`Վիդեոհեքիաթների ստեղծումը որպես ուսւոմնական նախագիծ,որը հրապարակվել է «Դպիր» -ում և շարունակական է ` «Ստախոս տղան», «Աղվեսն ու Խաղողը», «Ամանորյա տոնածառը»,
Ինձ համար նաև հիշարժան էր Հոկտեմբերի 4-ին մի խումբ սովորղների հետ մասնակցությունը Դիջիթեք Էքսպոյին:Այժմ էլ Դիջիթեք 2014 -ի Գեղարվեստի կրտսեր դպրոցի պատասխանատուն եմ :
2014-ին կաշխատեմ նույն ոգևորությամբ և պատրաստակամությամբ, կներկայանամ նոր գաղափարներով, կիրականացնեմ հետաքրքիր նախագծեր: